Bókmenntafræðingurinn

books, book pages, read


Elfa Ýr Gylfadóttir bókmenntafræðingur


Stefnur og straumar í bókmenntum eiga sér samsvörun í stefnum og straumum annarra fræðigreina. Því er BA-próf í almennri bókmenntafræði frábær grunnur til að fá innsýn inn í bæði mannkynssöguna og þær fræðilegu hugmyndir og kenningar sem einkenna ákveðin tímabil sögunnar. Reynsla mín er sú að slík víðtæk þekking er nauðsynleg til að geta greint og skilið okkar eigin samtíma. Það er einnig mikilvægt að minnast á það að í náminu öðlaðist ég mikla þjálfun í textaskrifum auk þess sem námið hvetur til gagnrýninnar hugsunar.
Lesa meira


Eva Sóley Sigurðardóttir
bókmenntafræðingur


Námið var mjög fjölbreytt og skemmtilegt enda komið víða við. Það var gaman að lesa bókmenntatexta frá ólíkum menningarheimum og auka þannig víðsýni, innsæi og skilning á manneskjunni og fjölbreytni veraldarinnar. Námið þjálfar gagnrýna hugsun og eftir að námi lauk áttaði ég mig á því að námið hafði dýpkað þekkingu mína á ótal mörgum sviðum. Nokkuð var um fyrirlestra tengdum skriflegum verkefnum sem var mjög góð reynsla fyrir mig bæði í frekara námi og starfi.
Lesa meira


Jóhanna Vigdís Guðmundsdóttir
bókmenntafræðingur


Í dag er ég framkvæmdastjóri Almannaróms, sem er miðstöð máltækni og ber ábyrgð á að framkvæma áætlunina Máltækni fyrir íslensku 2018-2022. Áður starfaði ég meðal annars í sjö ár sem framkvæmdastjóri hjá Háskólanum í Reykjavík, var framkvæmdastjóri Listahátíðar í Reykjavík, forstöðumaður fjárfestatengsla og markaðsmála hjá Straumi fjárfestingarbanka og markaðsstjóri hjá Borgarleikhúsinu og Deloitte. Ég hef einnig setið á Alþingi, sat í stýrihópi nýsköpunarráðherra um mótun nýsköpunarstefnu fyrir Ísland sem kom út nýverið, er varamaður í bankaráði Seðlabanka Íslands og gengt ýmsum stjórnarstörfum.
Lesa meira


Kristín Ragna Gunnarsdóttir bókmenntafræðingur


BA-gráðan í bókmenntafræði gerði mér mögulegt að sækja um meistaranám í ritlist. Lokaverkefni mitt í ritlist var handrit að barnabók. Bókin Úlfur og Edda: Dýrgripurinn kom út 2016 og var tilnefnd til Fjöruverðlaunanna, Barnabókmenntaverðlauna Norðurlandaráðs, In Other Words verðlaunanna og Barna- og unglingabókmenntaverðlauna Vestnorræna ráðsins. Ég mæli hiklaust með námi í bókmenntafræði. Námið veitir góða innsýn í ólíkar stefnur í bókmenntum, stuðlar að sjálfstæðri hugsun, þjálfar hæfni til að greina aðalatriði frá aukaatriðum og eykur ritfærni.
Lesa meira


Lovísa Árnadóttir
bókmenntafræðingur


Námið var alveg ótrúlega skemmtilegt. Það er fjölbreytt og snertir á svo mörgum kimum samfélagsins, sem gerir það svo gagnlegt. Það opnar huga manns fyrir mismunandi viðhorfum, skoðunum og breytilegri menningu, æfir mann í gagnrýnni hugsun og að skynja það sem liggur á milli lína. Ég myndi svo sannarlega mæla með þessu námi og sérstaklega mæli ég með því að taka hluta af því sem Erasmus skiptinemi.
Lesa meira


Magnús Örn Sigurðsson
doktorsnemi í Rice


Ég held að ég hafi upphaflega verið að velja á milli þess að fara í BA-nám í líffræði eða bókmenntafræði í HÍ og ég man þess vegna hvað ég varð spenntur þegar ég tók grunnáfangann um stefnur og strauma í bókmenntafræðum á fyrsta ári og sá á kennsluskránni að það var heill tími helgaður einhverju sem kallaðist vistrýni (e. ecocriticism).
Lesa meira


Maríanna Clara Lúthersdóttir
bókmenntafræðingur


Námið í bókmenntafræðinni er mjög fjölbreytilegt og skemmtilegt – allt frá kúrsum í fornaldarbókmenntum til hryllingskvikmynda og nýtti ég mér þennan fjölbreytileika til hins ýtrasta. Auðvitað velur fólk kannski fyrst og fremst eftir eigin áhugasviði en einnig getur verið gaman að kasta sér stöku sinnum út í djúpu laugina og prófa að kynna sér eitthvað sem maður þekkir lítið sem ekkert til. Það er einnig mikill kostur að nemendur geti tekið námið á sínum hraða – ég tók til dæmis ekki námslán heldur vann með náminu og kláraði meistaragráðuna á rúmum tveimur árum sem hentaði mér mjög vel.
Lesa meira


Óskar Þór Axelsson
bókmenntafræðingur


Ég hef frá útskrift 1997 starfað óslitið við kvikmyndagerð, bæði á Íslandi og erlendis. Strax að útskrift lokinni stofnaði ég fyrirtækið "Þeir tveir" sem framleiddi sjónvarpsefni og auglýsingar. Fór svo árið 2001 í nám til New York og starfaði þar sem kvikmyndatökumaður að loknu námi þar til ég flutti aftur til Íslands árið 2009. Eftir að ég skrifaði og leikstýrði minni fyrstu kvikmynd í fullri lengd, Svartur á leik, sem kom út árið 2012, hef ég leikstýrt fjölmörgum þáttum fyrir sjónvarpsseríur á borð við hinar íslensku Ófærð og Stella Blómkvist, ásamt kvikmyndinni Ég man þig sem ég aðlagaði einmitt ásamt Ottó Borg í framleiðslu Þóris Snæs og föður hans Sigurjóns Sighvatssonar sem einnig er með BA-próf í almennri bókmenntafræði frá HÍ!
Lesa meira


Sólveig Ásta Sigurðardóttir
doktorsnemi í Rice


Námið í almennri bókmenntafræði í HÍ bauð upp á kynni við höfunda og fræðafólk sem störfuðu innan hugvísinda en einnig á þverfaglegan máta.Ég hafði mikinn áhuga á að skoða hvernig hugmyndir um þjóðríkið birtust í samtímabókmenntum og þá sérstaklega hjá höfundum sem lögðu sig eftir að fjalla um eða birta „fjölmenningu“ í verkum sínum. Rannsóknin mín var undir áhrifum frá fræðimönnum innan hugvísinda og þá sérstaklega þeirra sem sérhæfa sig í langtíma áhrifum nýlendustefnunnar og kynþáttahyggju svo sem Gayatri Spivak, Homi Bhabha og Frantz Fanon en einnig frá samtölum við listamenn og höfunda á Íslandi um hvernig markaðssetning íslenska þjóðríkisins hefur áhrif á hvaða bækur eru gefnar út, hverjir fá styrki til listsköpunar og svo framvegis.
Lesa meira