![heimur_kvikmyndanna heimur_kvikmyndanna](https://abf.hi.is/wp-content/uploads/elementor/thumbs/image10-ojijhf3o3ie3n5exop77lo8771i387ys5m3knsr1ua.png)
Heimur kvikmyndanna. Ritstj. Guðni Elísson. Reykjavík: Forlagið og Art.is, 1999.
Heimur kvikmyndanna er tímamótaverk í íslenskri útgáfusögu. Ríflega sjötíu höfundar lögðu til um níutíu greinar í fyrsta íslenska yfirlitsritið sem skrifað er um kvikmyndir en það veitir lesendum í senn almenna og tímabæra leiðsögn um lendur kvikmyndanna.
Áfangar í kvikmyndafræðum.
Ritstj. Guðni Elísson, Reykjavík: Forlagið, 2003.
Áfangar í kvikmyndafræðum er safn 26 þýddra greina sem allar hafa sætt tíðindum í sögu kvikmyndafræðinnar. Höfundarnir eru helstu hugmyndasmiðir, leikstjórar og fræðimenn kvikmyndasögunnar. Hér eru sígildar greinar Eisensteins og Kracauers um möguleika miðilsins á umbrotatímum á fyrri hluta 20. aldar, en einnig gagnrýni Bazins og Truffauts á hugmyndir þeirra auk fjölmargra greina frá síðustu áratugum þar sem fjallað er um kvikmyndina út frá sjónarmiði ýmissa hugmyndastefna.
![Áfangar í kvikmyndafræðum](https://abf.hi.is/wp-content/uploads/2020/01/afangar_i_kvikmyndafraedum.jpg)
![kureki kúreki norðursins](https://abf.hi.is/wp-content/uploads/elementor/thumbs/image002-ojijrmmkbqd7qol32m2c6lhfgp6ltvhtw56fazm49e.png)
Kúreki norðursins. Kvikmyndaskáldið Friðrik Þór Friðriksson. Ritstj. Guðni Elísson. Reykjavík: Háskólaútgáfan, 2005.
Friðrik Þór Friðriksson er einn merkasti kvikmyndagerðarmaður Íslendinga. Þó hefur lítið sem ekkert komið út um list hans á prenti. Í greinasafninu er leitast við að gefa sem fjölbreytilegasta mynd af kvikmyndum Friðriks Þórs, tilraunamyndir hans og heimildarmyndir er skoðaðar og rýnt í leiknar kvikmyndir hans út frá ýmsum ólíkum fræðilegum forsendum.
Kvikmyndagreinar, ritstj. Guðni Elísson. Reykjavík: Háskólaútgáfan, 2006.
Í Kvikmyndagreinum birtist úrval þýðinga eftir ýmsa þekkta erlenda kvikmyndafræðinga, en greinarnar eiga það allar sammerkt að beina sjónum að kvikmyndagreinahugtakinu.
![kvikmyndagreinar kvikmyndagreinar](https://abf.hi.is/wp-content/uploads/elementor/thumbs/image001-ojijsetq0rftezg4hy959ed9a9bm8sls00qzpagb2q.png)
![rekferdir Rekferdir](https://abf.hi.is/wp-content/uploads/elementor/thumbs/Screenshot-2020-01-10-20.35.19-ojhbxqvvrqd6bojoskc2krpkned0l7ewycrhhb5laq.png)
Rekferðir. Íslensk menning í upphafi nýrrar aldar. Reykjavík: Háskólaútgáfan, 2011.
Í Rekferðum má finna úrval greina og pista um íslenskan og erlendan samtíma sem Guðni skrifaði í Lesbók Morgunblaðsins á árunum 2001 til 2009.
Hef ég verið hér áður? Skáldskapur Steinunnar Sigurðardóttur. Reykjavík: Háskólaútgáfan, 2011. Ásamt Öldu Björk Valdimarsdóttur.
Í bók sinni um skáldskap Steinunnar Sigurðardóttur fjalla Alda og Guðni um togstreituna í sambandi kynjanna eins og hún brýst fram í tortímandi ástarsamböndum, dregin eru upp viðkvæm en um leið ógnvænleg tengsl manns og náttúru og kvenlegum reynsluheimi lýst, en hann gefur verkunum oft og tíðum aukna íróníska vídd.
![hef eg verid her adur Hef ég verið hér áður](https://abf.hi.is/wp-content/uploads/elementor/thumbs/Screenshot-2020-01-10-20.42.41-ojhbz2tnga6srsm20n21lxm2y1sqhrp84y18yf6ihe.png)